கொடைக்கானலில் கட்டுப்பாட்டை இழந்த பேருந்து,பள்ளத்திற்குள் கவிழ்ந்து விபத்து

திண்டுக்கல் மாவட்டத்தில் பள்ளங்கி செல்லும் சாலையில், கொடைக்கானலில் இருந்து பள்ளங்கிக்கு அரசு பேருந்து சென்று கொண்டிருந்தது. வாழைக்காட்டு ஓடைப் பகுதியில் கொண்டை வளைவில் செல்லும் போது ஓட்டுனரின் கட்டுப்பாட்டை இழந்த பேருந்து அருகே உள்ள சுமார் 10 அடி பள்ளத்தில் கவிந்து விபத்துக்குள்ளானது. இதில் பேருந்தில் பயணம் செய்த பயணிகளுக்கு சிறு காயங்கள் ஏற்பட்டது. சம்பவ இடத்திற்கு விரைந்து வந்த காவல் துறையினர் விசாரணை நடத்தி வருகின்றனர்.