அண்ணனின் தலையில் அம்மிக்கல்லை போட்டு கொலை செய்த தம்பி

புதுச்சேரியில் அண்ணனின் தலையில் அம்மிக்கல்லை போட்டு தம்பியே கொலை செய்த சம்பவம் பரபரப்பை ஏற்படுத்தியுள்ளது.

புதுச்சேரி மாநிலம் வில்லியனூரில் உள்ள கோபாலன் கடை பகுதியை சேர்ந்தவர்கள் அருள்ராஜ் மற்றும் ஆனந்தராஜ். இருவரும் இரட்டை சகோதரர்கள். இருவருக்கும் மது அருந்தும் பழக்கம் உள்ளதாக கூறப்படுகிறது. மது அருந்தும்போது இருவருக்கும் இடையே தகராறு ஏற்பட்டதாக தெரிகிறது. இதில் ஒருவரை ஒருவர் கடுமையாக தாக்கி உள்ளனர். ஒருகட்டத்தில் கோபமடைந்த தம்பி ஆனந்தராஜ், அண்ணன் அருள்ராஜை அம்மிக்கல்லைப் போட்டு கொலை செய்துள்ளார்.

இதுகுறித்து தகவலறிந்து சம்பவ இடத்திற்கு சென்ற வில்லியனூர் போலீசார், அருள் ராஜ் உடலை பிரேத பரிசோதனைக்கு அனுப்பி வைத்தனர். கொலை தொடர்பாக வழக்குப்பதிவு செய்து தலைமறைவான ஆனந்த ராஜை தேடிவருகின்றனர்.