வீட்டின் பூட்டை உடைத்து நகை, பணத்தை கொள்ளையடித்த மர்ம நபர்கள்

திருவேற்காட்டில் மருத்துவர் வீட்டின் பூட்டை உடைத்து 170 சவரன் நகைகள், 3 லட்சம் ரூபாய் பணத்தை மர்ம நபர்கள் கொள்ளையடித்த சம்பவம் பரபரப்பை ஏற்படுத்தியுள்ளது.

சென்னையை அடுத்த திருவேற்காடு கோ ஆப்ரெட்டிவ் சொசைட்டி பகுதியில் வசித்து வருபவர் சித்தார்த்தன். இவர், சென்னையில் உள்ள தனியார் மருத்துவமனையில் மருத்துவராக உள்ளார். இவரது தந்தை சந்தானமுத்துவிற்கு உடல் நலக்குறைவு ஏற்பட்டதால், மருத்துவமனையில் அனுமதிக்கப்பட்டுள்ளார். இதனால் குடும்பத்தினர் அனைவரும் மருத்துவமனைக்கு சென்று விட்டனர். இந்நிலையில், வீட்டிற்கு திரும்பிய குடும்பத்தினர், வீட்டின் கதவு உடைக்கப்பட்டிருப்பது கண்டு அதிர்ச்சியடைந்தனர். புகாரின் பேரில் சம்பவ இடத்திற்கு வந்த திருவேற்காடு போலீசார், பீரோவில் இருந்த 170 சவரன் நகைகள், 3 லட்சம் ரூபாய் கொள்ளயடிகப்பட்டதை உறுதி செய்தனர். கொள்ளையில் ஈடுபட்ட மர்ம நபர்கள் குறித்து போலீசார் விசாரணை நடத்தி வருகின்றனர்.