அமெரிக்க ஓபன் டென்னிஸ்: பெண்கள் ஒற்றையர் பிரிவில் பெலிந்தா பென்சிக் அரையிறுதிக்கு தகுதி

அமெரிக்க ஓபன் டென்னிஸ் போட்டியின் பெண்கள் ஒற்றையர் பிரிவில் சுவிட்சர்லாந்தின் பெலிந்தா பென்சிக் அரையிறுதிக்கு தகுதி பெற்றுள்ளார்

நான்காவது சுற்றில் உலகின் முன்னணி வீராங்கனையான நவோமி ஓசாகாவை சந்தித்த அவர், 7-5, 6-4 என்ற நேர் செட்டுகளில் வெற்றி பெற்று காலிறுதிக்கு தகுதி பெற்றார். காலிறுதியில் 23 வது நிலை வீராங்கனையான குரோசியாவின் டொன்னா வேகிக்கை எதிர்கொண்ட அவர் 7-5, 6-3 என்ற செட்டுகளில் வேகிக்கை வென்றார். இந்த வெற்றியின் மூலம் பெலிந்தா பென்சிக் அரையிறுதிக்கு தகுதி பெற்றார். அரையிறுதியில் உலகின் 15வது நிலை வீராங்கனையான ஆண்டர்ஸ்குவை எதிர்த்து விளையாட உள்ளார். கடந்த சில வருடங்களாக முதுகுவலி மற்றும் மணிக்கட்டு அறுவை சிகிச்சை காரணமாக அவதிப்பட்டு வந்த பெலிந்தா பென்சிக் அதிலிருந்து மீண்டு சிறப்பாக ஆடி வருவது குறிப்பிடத்தக்கது.