ராமேஸ்வரம் மீனவர்கள் 4 நாட்கள் மீன்பிடிக்க செல்ல தடை

ராமேஸ்வரம் மீனவர்கள் இன்று முதல் 4 நாட்கள் மீன்பிடிக்க செல்ல தடை விதிக்கப்பட்டுள்ளது.

ராமநாதபுரம் மாவட்டத்தில் உள்ள மீனவர்கள் மற்றும் பொது மக்கள் கச்சத்தீவு அந்தோணியார் ஆலயத் திருவிழாவுக்கு ஆண்டுதோறும் சென்று வருகின்றனர். இந்தாண்டு மார்ச் 15, 16 ஆகிய தேதிகளில் நடைபெறும் திருவிழாவுக்கு, ராமேஸ்வரம் உள்ளிட்ட அனைத்துப் பகுதிகளிலிருந்தும் ஏராளமானோர் படகுகளில் செல்கின்றனர்.

இதையடுத்து கச்சத்தீவு திருவிழாவிற்கு செல்லும் படகுகளின் ஆவணங்கள் சரிபார்ப்பு நடக்க உள்ளதால் இன்று முதல் 16ம் தேதி வரை 4 நாட்களுக்கு ராமேஸ்வரம் மீனவர்கள் மீன்பிடிக்க செல்லத் தடை விதிக்கப்பட்டுள்ளது.