தமிழகம் முழுவதும் வரவேற்பை பெற்றுள்ள மூங்கில் மின்விளக்குகள்

திண்டுக்கல் மாவட்டம் ஒட்டன்சத்திரத்தில் தயாரிக்கப்படும் மூங்கில் தட்டி அலங்கார மின் விளக்குகள் தமிழகம் முழுவதும் வரவேற்பை பெற்றுள்ளன. ஒட்டன்சத்திரம் அருகே விருப்பாட்சியில் வெகுநாட்களாக மூங்கில் தட்டி அலங்கார மின்விளக்குகள் தயாரிக்கப்பட்டு வருகின்றன. கோயில் விழாக்கள், சுப நிகழ்ச்சிகளுக்கு ஏற்றவாறு வெவ்வேறு வடிவங்களில் மூங்கில் தட்டிகள் வடிவமைக்கப்பட்டு அலங்கார மின்விளக்குகள் பொருத்தப்படுகின்றன. இதற்கான மூங்கில்கள் பொள்ளாச்சி மற்றும் கேராளவில் இருந்து கொண்டு வரப்பட்டு அதில் எல்.இ.டி விளக்குகள் பொருத்தப்படுகின்றன.

இங்கு தயாரிக்கப்படும் மூங்கில் மின்விளக்குகள் திருச்சி, கோவை, ராமேஸ்வரம் உள்ளிட்ட தமிழகத்தின் பல்வேறு பகுதிகளுக்கு அனுப்பி வைக்கப்படுகிறது. மின்விளக்குகளால் தங்களுக்கு போதுமான வருமானம் வருவதாக உற்பத்தியாளர்கள் மகிழ்ச்சி தெரிவிக்கின்றனர்.