வயலின் இசையை மெய்மறந்து ரசிக்கும் குழந்தையின் வைரல் வீடியோ….

பிறந்த நாள் கொண்டாட்டத்தில் பெண் ஒருவர் வயலின் வாசித்துள்ளார்.அந்த இசையில் மயங்கி வயலின் வாசிப்பவரின் காலடியிலேயே உட்கார்ந்துகொண்டு இசையை ரசிக்கும் சுட்டி குழந்தையின் வீடியோ சமூக வலைதளங்களில் பரவி வருகிறது.

ரேச்சல் ஆட்ரி என்னும் பெண்மணி ஒரு பிறந்தநாள் விழாவிற்கு சென்றுள்ளார்.கொண்டாட்டங்கள் முடிந்து அனைவரும் ஓய்வு எடுக்கும் வேளையில் ரேச்சல் அனைவரின் முன்பு நின்றுக்கொண்டு வயலின் வாசிக்க தொடங்கினார்.இசையை கேட்டவுடன் ஒரு குழந்தை திடீரென ஓடி வந்து அவரின் கால்களை தழுவிக்கொண்டது.அந்த குழந்தை, வயலின் வாசிக்கும் பெண்ணின் குழந்தை தான்.வயலின் வாசிக்க தொடங்கியவுடன் அன்னையிடம் ஓடி வந்த குழந்தை,பின்பு அன்னையின் கால்களை இருக்க கட்டிக்கொண்டு இசையை ரசித்த வண்ணமே அமர்ந்துள்ளது.அந்த குழந்தையின் இசை மீதான ரசனை, நாம் அந்த குழந்தையை ரசிக்க தூண்டுகிறது.

அப்பெண் இந்த வீடியோவை தனது டுவிட்டர் பக்கத்தில் பகிர்ந்துள்ளார்.இந்த வீடியோ அனைவராலும் ரசிக்கப்பட்டு தற்போது வைரலாகி வருகிறது.

My baby's reaction to hearing a violin for the first time… pic.twitter.com/8ndBunAaPq

— Rachel (@AudreysMMB) March 28, 2019