முதலமைச்சர் கோப்பைக்கான போட்டியில் வென்றவர்களுக்கு பரிசளிப்பு

தருமபுரியில் முதலமைச்சர் கோப்பைக்கான விளையாட்டு போட்டியில் வென்றவர்களுக்கு உயர் கல்வித் துறை அமைச்சர் கே.பி. அன்பழகன் பரிசுகளை வழங்கினார்.

தமிழ்நாடு விளையாட்டு மேம்பாட்டு ஆணையம் மற்றும் தருமபுரி மாவட்ட விளையாட்டு பிரிவு சார்பில் முதலமைச்சர் கோப்பை விளையாட்டு போட்டிகள் நடைபெற்றன. தடகளம், கூடைப்பந்து, கைப்பந்து, கபடி, மேஜைபந்து உட்பட பத்து விளையாட்டு போட்டிகள் நடத்தப்பட்டது. போட்டிகளில் ஆயிரத்துக்கும் மேற்பட்ட வீரர்,வீராங்கனைகள் கலந்துகொண்டனர். போட்டியில் வெற்றிபெற்றவர்கள் பரிசளிக்கும் விழா நடைபெற்றது. இதில் உயர் கல்வித் துறை அமைச்சர் கே.பி. அன்பழகன், 567 வீரர் மற்றும் வீராங்கனைகளுக்கு நான்கு லட்சத்து 25 ஆயிரத்து 250 ரூபாய் மதிப்பிலான பரிசுத் தொகையையும் சான்றிதழ்களையும் வழங்கி பாராட்டினார்.