இளஞ்சிவப்பு பட்டாடை உடுத்தி அத்தி வரதர், பக்தர்களுக்கு காட்சியளிப்பு

காஞ்சிபுரம் வரதராஜ பெருமாள் கோவிலில் அத்திவரதர் இளஞ்சிவப்பு பட்டாடை உடுத்தி பக்தர்களுக்கு அருள்பாலித்து வருகிறார்.

காஞ்சிபுரம் அத்திவரதர் உற்சவத்தின் 16-வது நாளான இன்று இளஞ்சிவப்பு நிற பட்டு உடுத்தி, ஏலக்காய் மாலை, தாமரைப் பூமாலைகள் என பல வண்ண மலர்களால் அத்திவரதர் அலங்கரிக்கப்பட்டு, சிறப்பு ஆராதனை நடைபெற்றது. அதிகாலை 5 மணி முதல் அத்திவரதரை பக்தர்கள் தரிசித்து வரும் நிலையில், நடிகர் ராதாரவி உள்ளிட்டோர் இன்று சுவாமி தரிசனம் செய்தனர்.

இதுவரை 18 லட்சத்துக்கும் மேற்பட்ட பக்தர்கள் காஞ்சிபுரத்திற்கு வருகை தந்துள்ளனர். நாளுக்கு நாள் பக்தர்கள் கூட்டம் அதிகரித்து வருவதால், பக்தர்கள் சிரமம் இன்றி அத்தி வரதரை தரிசனம் செய்ய, மாவட்ட நிர்வாகம் சார்பில் சிறப்பு ஏற்பாடுகள், அடிப்படை வசதிகள் ஆகியவை தொடர்ந்து செய்யப்பட்டு வருகின்றன.