விளையாட்டுத்துறை வீரர்களுக்கான அர்ஜூனா விருதுகள் அறிவிப்பு

இந்திய கிரிக்கெட் வீரர் ரவீந்திர ஜடேஜா உட்பட 19 விளையாட்டு வீரர்களுக்கு அர்ஜூனா விருது அறிவிக்கப்பட்டுள்ளது.

விளையாட்டு துறையில் சிறந்து விளங்கும் வீரர்களுக்கு வழங்கப்படும் உயரிய விருதான அர்ஜூனா விருது, 19 விளையாட்டு வீரர்களுக்கு அறிவிக்கப்பட்டுள்ளது. உலகக் கோப்பை கிரிக்கெட் போட்டியில் சிறப்பான பங்களிப்பை அளித்த ரவீந்திர ஜடேஜா, பெண்கள் கிரிக்கெட் அணியின் பூனம் யாதவ், கால்பந்து வீரர் குர்ப்ரீத் சிங் உட்பட, 19 வீரர்கள் அர்ஜூனா விருதை பெற இருக்கின்றனர். பாரா ஓலிம்பிக்கில் வெள்ளிப் பதக்கம் வென்ற தீபா மாலிக்கிற்கும், மல்யுத்த வீரர் பஜ்ரங் புனியாவிற்கும் கேல் ரத்னா விருது அறிவிக்கப்பட்டுள்ளது. துரோணாச்சாரியார் விருது முன்னாள் பேட்மிட்டன் வீரர் விமல் குமாருக்கும், முன்னாள் டேபிள் டென்னிஸ் வீரர் சந்தீப் குப்தாவிற்கும் அறிவிக்கப்பட்டுள்ளது. வருகிற 29ந் தேதி குடியரசுத் தலைவர் மாளிகையில் நடைபெறும் நிகழ்ச்சியில் விருதுகளை குடியரசுத் தலைவர் வீரர்களுக்கு வழங்க இருக்கிறார்.