எமி ஜாக்சனுக்கு ஆண் குழந்தை : வைரலாகும் புகைப்படம்

நடிகை எமி ஜாக்சனுக்கு ஆண் குழந்தை பிறந்துள்ளது.குழந்தையுடன் எமி எடுத்துக்கொண்ட புகைப்படம் சமூக வலைதளங்களில் வைரலாகி வருகிறது.

எமி ஜாக்சன் தமிழில் மதராசப்பட்டினம் திரைப்படம் மூலம் அறிமுகமானார்.பின்னர்,தொடர்ந்து தங்கமகன், தாண்டவம் ,ஐ, கெத்து ஆகிய திரைப்படங்களில் நடித்தார்.அவர் ரஜினியுடன் நடித்த 2.0 படத்திற்கு பிறகு தமிழில் எந்த படமும் நடிக்கவில்லை.மீண்டும் லண்டன் சென்ற எமி, ஜார்ஜ் பெனாய்டோ என்ற தொழிலதிபரை காதலிப்பதாக தெரிவித்தார்.மேலும், கடந்த மார்ச் மாதம் தான் கர்ப்பமாக இருப்பதாகவும் சமூக வலைதளங்களில் அறிவித்தார். பின்பு,எமி தனது Pregnancy குறித்த போட்டோ மற்றும் வீடியோக்களை தொடர்ந்து பகிர்ந்து வந்தார்.

இந்நிலையில் இன்று தனக்கு குழந்தை பிறந்துள்ளதாக எமி ஜாக்சன் இன்ஸ்டாகிராம் பக்கத்தில் தெரிவித்துள்ளார்.அதில் ’உன்னை இந்த உலகிற்கு வரவேற்கிறேன் ஆண்ட்ரூஸ் ‘ என கூறியுள்ளார்.சில நாட்களுக்கு முன்பு தனக்கு ஆண் குழந்தை பிறக்க உள்ளதாக தெரிவித்தார்.அவர் சொன்னது போலவே இன்று அவருக்கு ஆண் குழந்தை பிறந்துள்ளது.இவரின் பதிவை பார்த்த திரைத்துறையினர் மற்றும் நண்பர்கள் எமி ஜாக்சனுக்கு வாழ்த்து தெரிவித்து வருகின்றனர்.தற்போது எமி ஜாக்சன் என்ற ஹேஸ்டேக் ட்விட்டரில் முதலிடத்தில் உள்ளது குறிப்பிடத்தக்கது.