மேல்மருவத்தூர் ஆதிபராசக்தி மருத்துவமனைக்கு ஆம்புலன்ஸ் வசதி மற்றும் பேருந்து வசதி

மேல்மருவத்தூர்  ஆதிபராசக்தி மருத்துவமனைக்கு  ஆம்புலன்ஸ் வசதி  மற்றும் பேருந்து வசதி செய்து தரப்படும் என வெளிநாட்டு  செவ்வாடை பக்தர்கள்  சார்பில் அறிவிக்கப்பட்டுள்ளது.

செங்கல்பட்டு மாவட்டம்  அச்சரப்பாக்கம் அருகே உள்ள மேல்மருவத்தூர் ஆதிபராசக்தி சித்தர் பீடத்தில்,  பங்காரு அடிகளார் அவர்களின் 80-ஆவது பிறந்த நாளை முன்னிட்டு ஆலோசனைக் கூட்டம் நடைபெற்றது.  இதில், மலேசியா, துபாய், அமெரிக்கா உள்ளிட்ட நாடுகளில் உள்ள செவ்வாடை பக்தர்கள் நூற்றுக்கும் மேற்பட்டோர் கலந்து கொண்டனர். இந்த ஆலோசனைக் கூட்டத்தில்,  ஆதிபராசக்தி மருத்துவமனைக்கு 1 கோடி ரூபாய் மதிப்பீட்டில்   ஆம்புலன்ஸ், பேருந்து மற்றும் பள்ளி மாணவர்களுக்கு தேவையான உபகரணங்கள்  வழங்கப்பட உள்ளதாக பக்தர்கள் தெரிவித்தனர். மேலும்,  பங்காரு அடிகளாரின் பிறந்தநாள் அன்று ஏராளமான பக்தர்களுக்கு அன்னதானம் வழங்கவும் ஏற்பாடு செய்யப்பட்டுள்ளது.