சென்னையில் நடைபெற்ற அகில இந்திய கைப்பந்து போட்டி

சென்னையில் நடைபெற்ற அகில இந்திய கைப்பந்து போட்டியில் சுங்க இலாகா அணி வெற்றி பெற்று கோப்பையைக் கைப்பற்றியது.

சென்னை எழும்பூரில் உள்ள மேயர் ராதாகிருஷ்ணன் விளையாட்டரங்கில் அகில இந்திய கைப்பந்து போட்டி நடைபெற்றது. கடந்த 24 ஆம் தேதி தொடங்கிய இந்த போட்டியில் ஆடவர் பிரிவில் 10 அணிகள் பங்கேற்றன. இறுதிப் போட்டியில் சுங்க இலாகா அணியும், எஸ்.ஆர்.எம். அணியும் மோதின. போட்டி முடிவில் சுங்க இலாகா அணி, எஸ்.ஆர்.எம். அணியை 3-க்கு 2 என்ற செட் கணக்கில் வீழ்த்தி வெற்றி பெற்றது. மூன்றாம் இடம், நான்காம் இடத்தை ஐசிஎப் அணி, குஜராத் வருமான வரித்துறை அணிகள் கைப்பற்றின. வெற்றி பெற்ற அணிகளுக்கு கோப்பைகளும் பரிசு தொகையும் வழங்கப்பட்டன.