பிகில் படத்தை தொடர்ந்து நடிகர் விஜய் நடிக்கவுள்ள அடுத்த படத்தை “மாநகரம்” படத்தை இயக்கிய லோகேஷ் கனகராஜ் இயக்க உள்ளார். இந்த படத்தில் விஜய்க்கு இணையான கதாபாத்திரத்தில் நடிகர் விஜய் சேதுபதி நடிக்க உள்ளதாக நேற்றைய தினம் படக்குழு அதிகாரப்பூர்வமாக அறிவித்தது. தொடர்ந்து 3 நாட்களுக்கு படம் குறித்த அப்டேட் வெளியாகும் என அறிவித்தது. இதனால் ரசிகர்கள் ஒவ்வொருநாளும் மாலை 5 மணிக்கு என்ன அப்டேட் இருக்கும் என எதிர்பார்த்து காத்திருக்கின்றனர்.
இந்நிலையில் இந்த படத்தில் நடிகரும் , இயக்குநர் கே.பாக்யராஜின் மகனுமான சாந்தனு நடிக்க உள்ளதாக தகவல் வெளியாகியுள்ளது. ஏற்கனவே சாந்தனு நடித்த பல படங்கள் அவருக்கு எதிர்பார்த்த வெற்றியை கொடுக்கவில்லை. இருந்தும் அவர் தனது திறமையை நிரூபிக்க பல படங்களில் நடித்து வருகிறார். இதற்கிடையில் விஜய் படத்தில் நடிக்க உள்ளது அவரின் சினிமா வாழ்க்கையில் வெற்றியை கொடுக்குமா என்பதை பொறுத்திருந்து தான் பார்க்கவேண்டும். அடுத்தடுத்து விஜய் படங்களில் இளம் ஹீரோக்கள் நடிப்பது எதிர்பார்ப்பை ஏற்படுத்தியுள்ளது.ஏற்கனவே பிகில் படத்தில் வளரும் நடிகரான கதிர் நடித்திருந்தார் என்பது குறிப்பிடத்தக்கது.
Discussion about this post