தமிழ் சினிமாவில் நடன இயக்குநராக அறிமுகம் ஆனவர் ராகவா லாரன்ஸ். அவருடைய தனி நடன திறமையால் மக்கள் மனதில் இடம்பிடித்தார். அதன்பிறகு பல்வேறு படங்களில் தொடர்ந்து நடித்து வந்தவர். தமிழ், தெலுங்கு ஆகிய மொழிகளில் பணியாற்ற தொடங்கினார். பின்பு இவரது நடிப்பில் வெளியான காஞ்சனா 3 திரைப்படம் நல்ல வரவேற்பை பெற்றது.
சமூக சேவைகளிலும் மிகுந்த ஈடுபாடு கொண்டவர். தன்னிடம் உதவி கேட்போருக்கும், மாற்றுத் திறனாளிகளுக்கும் தன்னால் முடிந்த உதவியை தொடர்ந்து செய்து அனைவரது கவனத்தையும் ஈர்த்து வருகிறார்.
இந்நிலையில், இவரது சேவையை பாராட்டி அவருக்கு 5 ரூபாய் டாக்டர் விருது வழங்கப்பட்டுள்ளது. சென்னை ராயபுரத்தில் ஏழை மக்களுக்காக 5 ரூபாய்க்கு மருத்துவ சேவை செய்து வந்த டாக்டர்.எஸ்.ஜெயச்சந்திரனின் முதலாம் ஆண்டு நினைவு நாளையொட்டி இந்த விருது வழங்கப்பட்டுள்ளது. அவருக்கு பலரும் தங்களது வாழ்த்துக்களை தெரிவித்து வருகின்றனர்.
Discussion about this post