ஒரு படத்தில் காவல்துறை அதிகாரியாக நடித்துவிட்டு ஒருமாதம் மன அழுத்ததில் இருந்ததாக தெரிவித்துள்ள நடிகர் சமுத்திரக்கனி, தினமும் பல்வேறு அழுத்தங்களை சந்திக்கும் காவல்துறையினருக்கு நாம் ஒத்துழைப்பு அளிக்க வேண்டும் என கேட்டுகொண்டார்.
மதுரையில் உள்ள தனியார் கல்லூரியில் குறும்படம் வெளியீட்டு விழாவில், நடிகர் சசிக்குமார், சமுத்திரகனி மற்றும் மதுரை காவல்துறை ஆணையர் டேவிட்சன்தேவ ஆசிர்வாதம் மற்றும் துணை ஆணையர்கள் பங்கேற்று குறும்படத்தை வெளியிட்டனர். பின்னர் பேசிய நடிகர் சமுத்திரகனி, ஒரு படத்தில் காவல்துறையாக நடித்துவிட்டு ஒருமாதம் மன அழுத்ததில் இருந்தாக குறிப்பிட்டார். ஆனால் நமது காவல்துறை தினம்தினம் அதனை அனுபவிப்பதாக தெரிவித்தார். அவர்களின் வேதனைகளை புரிந்து கொண்டு காவல்துறைக்கு ஒத்துழைப்பு அளிக்க வேண்டும் என சமுத்திரகனி கேட்டுகொண்டார்.
Discussion about this post