நடிகர் சங்க தேர்தலில் தங்கள் அணிக்கு ஆதரவு கேட்டு கரூர் நாடக நடிகர்களிடம் சுவாமி சங்கரதாஸ் அணியினர் வாக்கு சேகரித்தனர்.
நடிகர் சங்க தேர்தலில் நடிகர் நாசர் தலைமையில் ஒரு அணியினரும் நடிகர் பாக்யராஜ் தலைமையில் மற்றொரு அணியினரும் போட்டியிடுகின்றனர். பாக்யராஜ் தலைமையிலான அணியினர் சுவாமி சங்கரதாஸ் அணியினர் என்ற பெயரில் தேர்தலை எதிர்கொள்கின்றனர். இந்நிலையில், கரூரில் உள்ள நாடக நடிகர்களிடம் சுவாமி சங்கரதாஸ் அணியைச் சேர்ந்த உதயா, கணேஷ், நடிகை ஆர்த்தி உள்ளிட்டோர் வாக்கு கேட்டனர். நடிகை ஆர்த்தி வாக்கு கேட்டு நாடக நடிகர்களிடையே பேசுகையில், தங்கள் அணி வெற்றி பெற்றால் நடிகர்களுக்கு ஓய்வூதியம் தொடர்ந்து வழங்கப்படும் என்று, நடிகர் சங்கத்துக்கு சந்தா உள்ளிட்டவற்றை உறுப்பினர்கள் செலுத்த தேவையில்லை எனவும் வாக்குறுதி அளித்தார்.
Discussion about this post