சென்னை அடுத்த பூந்தமல்லி அருகே முதியவர் விட்டுச் சென்ற இருசக்கர வாகனத்தை பெண் ஒருவர் திருடிச்செல்லும் சிசிடிவி காட்சிகள் வெளியாகி பரபரப்பை ஏற்படுத்தியுள்ளது.
ஆலந்தூரைச் சேர்ந்த நாகூர் மீரான் என்ற முதியவர், உறவினரைப் பார்க்க பூந்தமல்லி அடுத்த கரையான் சாவடிக்கு வந்துள்ளார். ஒரு கடையின் முன்பு தனது இருசக்கர வாகனத்தை நிறுத்தி விட்டு கடைக்கு சென்று திரும்பி வந்து பார்த்த போது அவரது இரு சக்கர வாகனம் அங்கு இல்லாததை கண்டு அதிர்ச்சி அடைந்தார். இதனையடுத்து, அப்பகுதியில் பொருத்தப்பட்டிருந்த கண்காணிப்பு கேமராவை ஆய்வு செய்த போது, கடையின் முன் நிறுத்தப்பட்ட இருசக்கர வாகனத்தை ஹெல்மெட் அணிந்த இளம் பெண் ஒருவர் லாவகமாக திருடிச் செல்லும் காட்சிகள் பதிவாகியிருந்தது. இது குறித்து அளிக்கப்பட்ட புகாரின் அடிப்படையில் பூந்தமல்லி காவல்துறையினர் விசாரணை மேற்கொண்டு வருகிறார்.
Discussion about this post