இன்ஸ்டாகிராமில் சிறுமியை காதலித்து பாலியல் வன்கொடுமை செய்த இளைஞர்

மதுரையில் சிறுமியை பாலியல் வன்கொடுமை செய்த இளைஞரை காவல்துறையினர் போக்சோ சட்டத்தின் கீழ் கைது செய்துள்ளனர். மதுரை தெப்பக்குளம் பகுதியைச் சேர்ந்த அல்ஹசான் என்ற இளைஞர், இன்ஸ்டாகிராமில் சிறுமிக்கு அறிமுகமாகி காதலித்து வந்துள்ளார். சிறுமியை அழைத்துச் சென்று, அவர் பாலியல் வன்கொடுமை செய்துள்ளார். சிறுமியுடன் எடுத்துக் கொண்ட புகைப்படங்களை இணைய தளத்தில் பதிவேற்றம் செய்து விடுவேன் என்றும் சிறுமியை மிரட்டியுள்ளார். பெற்றோர் அளித்த புகாரின் பேரில் அந்த இளைஞரை போக்சோ சட்டத்தின் கீழ் கைது செய்த காவல்துறையினர் அவரிடம் விசாரணை நடத்தி வருகின்றனர்.