ஜம்மு காஷ்மீர் மாநிலம் சோபியானில் தீவிரவாதிகளுக்கும் பாதுகாப்புப் படையினருக்கும் இடையில் நடைபெற்ற துப்பாக்கிச் சூட்டில் தீவிரவாதி ஒருவர் சுட்டுக் கொல்லப்பட்டுள்ளார்.
ஜம்மு காஷ்மீரின் எல்லை மற்றும் எல்லைக் கட்டுப்பாட்டுப் பகுதிகளில், தீவிரவாதிகள் ஊடுருவல் மற்றும் அதை பாதுகாப்புப் படையினர் முறியடிக்கும் நிகழ்வுகள் தொடர்ந்து நடைபெற்று வருகிறது. இதில் இருதரப்பிலும் உயிரிழப்புகளும் தொடர்ந்து வருகிறது.
இந்நிலையில், சோபியான் மாவட்டத்தின் டிரகாட் சுகன் பகுதியில், தீவிரவாதிகள் பதுங்கியுள்ளதாக கிடைத்த தகவலையடுத்து, பாதுகாப்புப் படையினர் அந்தப் பகுதியில் சோதனை மேற்கொண்டனர். இதனைத் தொடர்ந்து இருதரப்பினருக்கும் இடையில் துப்பாக்கிச்சூடு நடைபெற்று வருகிறது.பல மணிநேரங்கள் நீடித்துவரும் இந்த துப்பாக்கிச்சூட்டில், தீவிரவாதி ஒருவர் சுட்டுக் கொல்லப்பட்டுள்ளார்.
Discussion about this post