கால்வாயில் இருந்து வெளியே வராமல் காமெடி செய்த போதை ஆசாமி

மதுரை மாவட்ட ஆட்சியர் அலுவலகம் அருகே மது போதையில் கழிவு நீர் கால்வாயில் விழுந்த நபரை தீயணைப்பு துறையினர் நீண்ட போரட்டத்திற்கு பிறகு மீட்டனர்.

ஆட்சியர் அலுவலகம் அருகே 30 வயது மதிக்கத்தக்க ஒருவர் மதுபோதையில் எதிர்பாராத விதமாக கழிவு நீர் கால்வாய்க்குள் விழுந்துள்ளார். இதனை கண்ட அப்பகுதி மக்கள் அவரை மீட்க நீண்ட நேரமாக போராடியும் அவரை மீட்க முடியவில்லை. கால்வாயில் இருந்தபடியே அங்குள்ள மக்களிடம் வடிவேல் பாணியில் காமெடி செய்துள்ளார். இதனையடுத்து அங்கு சென்ற தீயணைப்பு துறையினர், போதை ஆசாமியை மீட்டு குளிக்க வைத்து வீட்டுக்கு அனுப்பினர். இந்த சம்பவம் சமூக வலைதளத்தில் வைரலாக பரவி வருகிறது.