பாரதிய ஜனதா கட்சியில் இணைந்த பிரபல மல்யுத்த வீராங்கனை

பிரபல மல்யுத்த வீராங்கனை பபிதா போகத் மற்றும் அவருடைய தந்தை மகாவீர் சிங் போகத் ஆகியோர் பாரதிய ஜனதா கட்சியில் இணைந்தனர்.

பாஜகவின் புதிய உறுப்பினர்கள் சேர்க்கும் குழுவுக்கு தலைவராக மத்திய பிரதேசத்தின் முன்னாள் முதலமைச்சரும், பாஜக மூத்த தலைவருமான சிவராஜ் சிங் சவுகான் நியமிக்கப்பட்டுள்ளனர்.

இந்தநிலையில் பிரபல மல்யுத்த வீராங்கனை பபிதா போகத் மற்றும் அவருடைய தந்தை மகாவீர் போகத் ஆகிய இருவரும், மத்திய விளையாட்டு துறை அமைச்சர் கிரண் ரிஜ்ஜூ முன்னிலையில், பாஜகவில் இணைந்தனர்.

இந்த ஆண்டு இறுதியில் ஹரியானா மாநிலத்தில் தேர்தல் நடைபெற உள்ளதையடுத்து, பா.ஜ.க சார்பில் பபிதா போகத் போட்டியிடுவார் என்று எதிர்பார்க்கப்படுகிறது. அண்மையில் அமிர்கான் நடிப்பில் வெளியாகி பெரும்புகழ் பெற்ற தங்கல் திரைப்படம் போகத் சகோதரிகளின் கதைதான் என்பது குறிப்பிடத்தக்கது.