தேசிய புறவழிச்சாலையில் கார் மோதி விபத்து

தேசிய புறவழிச்சாலையில் அதிவேகமாக சென்ற கார் விபத்துக்குள்ளானதில் கல்லூரி மாணவர்கள் இருவர் உயிரிழந்தனர்

சின்னியம்பாளையத்தில் உள்ள தனியார் கல்லூரியில் படித்து வரும் மாணவர்களான பிருத்திவிராஜ், கிருஷ்ணகுமார், சந்தோஷ்குமார் உள்ளிட்ட 8 பேர் காரில், தங்களது நண்பர் ஒருவரின் இல்லத்திருமண விழாவிற்கு சென்றுவிட்டு ஊர் திரும்பினர். கிருஷ்ணகுமார் என்பவர் காரை அதிவேகமாக இயக்கியதாக கூறப்படுகிறது. கார் கோவை மாவட்டம் அவிநாசியில் அருகே தேசிய புறச்சாலையில் சென்றுக்கொண்டிருந்தபோது ஒட்டுநரின் கட்டுப்பாட்டை இழந்து சாலையின் மையத்தடுப்பில் மோதி விபத்துக்குள்ளானது. இதில் பிருத்திவிராஜ் மற்றும் கிருஷ்ணகுமார் ஆகியோர் சம்பவ இடத்திலேயே உயிரிழந்தனர். விபத்தில் காயமடைந்த பிறர் மீட்கப்பட்டு மருத்துவமனையில் அனுபதிக்கப்பட்டனர். இந்த விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.