கொடைக்கானல் அருகே நில தகராறு காரணமாக சகோதரர் உள்பட 4 பேரை அரிவாளால் வெட்டிய ஜெயக்குமார் என்பவரை போலீசார் தேடி வருகின்றனர்.
திண்டுக்கல் மாவட்டம், கொடைக்கானல் அருகே ஜெயக்குமார் என்பவர் வசித்து வருகிறார். இந்நிலையில், அவரது சகோதரர் வீட்டிற்கு மின் இணைப்பு கொடுப்பதற்காக சிலர் ஜெயக்குமார் வீட்டின் அருகே வேலை செய்துள்ளனர். அப்போது அங்கு வந்த ஜெயகுமார், தனது இடத்தில் வேலை செய்யக்கூடாது என தகராறில் ஈடுபட்டுள்ளார். தொடர்ந்து தான் வைத்திருந்த அரிவாளால் தாய், 2 சகோதரர்கள் உள்பட 4 பேரை வெட்டியுள்ளார். இதனையடுத்து 4 பேரும் மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இது தொடர்பாக வழக்கு பதிவு செய்த போலீசார் தலைமறைவான ஜெயக்குமார் மற்றும் அவரது மனைவியை தேடி வருகின்றனர்.
Discussion about this post