நாடு முழுவதும் மக்களவைத் தேர்தலுக்கான இறுதிக்கட்ட வாக்குப்பதிவு விறுவிறுப்பாக நடைப்பெற்று வரும் நிலையில், மண மாப்பிள்ளை ஒருவர் கல்யாண கோலத்தில் தனது குடும்பத்தினருடன் வந்து வாக்களித்துள்ளது அனைவரின் கவனத்தையும் ஈர்த்துள்ளது.
இமாச்சலப் பிரதேசம், மணாலி தொகுதியின் 8 வது வாக்குச்சாவடியில் மாப்பிள்ளை ஒருவர் முகத்தினை மூடிக்கொண்டு பண மாலை மற்றும் பணத்தினால் ஆன கிரிடம் அணிந்து வந்து வாக்களித்துள்ளார்.சுமார் 25 பேராக வந்து வாக்களித்தவர்கள் ஒன்றாக நின்று அனைவரும் ஜனநாயக கடமை ஆற்றிவிட்டோம் என்பதற்கேற்ப புகைப்படமும் எடுத்துள்ளனர்.
இப்போது பண மாலை மாப்பிள்ளையின் புகைப்படங்கள் சமூக வலைதளங்களில் வைரலாக தொடங்கி விட்டது.