டோக்கியோ பாராலிம்பிக்கின் டேபிள் டென்னிஸ் போட்டியில், இந்தியாவின் பவீனா படேல் அரையிறுதியில் அசத்தல் வெற்றி பெற்று இறுதிபோட்டிக்கு தகுதி பெற்று பதக்கத்தை உறுதி செய்தார்.
ஜப்பான் தலைநகர் டோக்கியோவில் நடைபெற்று வரும் 16 வது பாராலிம்பிக் போட்டியில், டேபிள் டென்னிஸ் பெண்கள் ஒற்றையர் பிரிவு அரையிறுதி போட்டியில், இந்தியாவின் பவீனா பட்டேல், சீனாவின் ஹாங்க் மியாவோவை எதிர்கொண்டார். முதல் சுற்றை ஹாங்க் கைபற்றிய நிலையில், இரண்டு மற்றும் மூன்றாம் சுற்றுகளை பவீனா தன்வசப்படுத்தினார். நான்காம் சுற்றை ஹாங்க் கைபற்றியது போட்டி சமநிலை அடைந்தது. இந்நிலையில் கடைசி சுற்றில் இரு வீராங்கனைகளும் போட்டி போட்டு விளையாடி நிலையில் இறுதியில் பவீனா பட்டேல் வெற்றி பெற்றார். இதன் மூலம் ஐந்துக்கு மூன்று என்ற கணக்கில் ஹாங்க்கை வென்று பவீனா பட்டேல் இறுதிபோட்டிக்கு முன்னேறினார்.
நாளை நடைபெறும் இறுதிபோட்டியில் சீனாவின் சோ ஹிங்கை பவீனா பட்டேல் எதிர்கொள்ளவுள்ளார். இறுதிபோட்டிக்கு முன்னேறியதன் மூலம், தங்கம் அல்லது வெள்ளி பதக்கத்தை பவீனா பட்டேல் உறுதி செய்துள்ளார்.
Discussion about this post