அச்சரப்பாக்கத்தில் அடங்காத திமுகவினர்

செங்கல்பட்டு மாவட்டம் அச்சரப்பாக்கத்தில் தொடக்க வேளாண்மை கூட்டுறவு சங்கத்தின் 50வது ஆண்டு துவக்க விழா கல்வெட்டை திமுகவினர் உடைத்து அராஜகத்தில் ஈடுபட்டுள்ளனர்.

அச்சரப்பாக்கம் ஒன்றியம் அனந்தமங்கலம் பகுதியில் தொடக்க வேளாண்மை கூட்டுறவு கடன் சங்கம் அமைந்துள்ளது.

இந்த சங்கத்தின் தலைவராக அச்சரபாக்கம் தெற்கு ஒன்றிய கழக செயலாளர் அனந்தமங்கலம் பி சுப்ரமணியன் உள்ளார்.

இச்சங்கம் கடந்த 1971ஆம் ஆண்டு துவங்கப்பட்டு செயல்பட்டு வரும் நிலையில் கடந்த சில தினங்களுக்கு முன்பு சங்கத்தின் 50வது ஆண்டையொட்டி கல்வெட்டு அமைக்கப்பட்டது.

இதனை அப்பகுதியைச் சேர்ந்த தமிழ்வாணன், கோவிந்தசாமி, ரகு, சிவப்பிரகாசம், முருகன் ஆகிய திமுகவினர் உடைத்து எடுத்துவிட்டு கல்வெட்டு இருந்த இடத்தில் டைல்ஸ் ஒட்டியுள்ளனர்.

இதனையறிந்த, செங்கல்பட்டு கிழக்கு மாவட்ட கழக செயலாளர், திருக்கழுக்குன்றம் எஸ்.ஆறுமுகம், மதுராந்தகம் சட்டமன்ற உறுப்பினர் மரகதம் குமரவேல் ஆகியோர் தலைமையிலான நிர்வாகிகள், ஒரத்தி காவல் நிலையத்தில் புகார் அளித்தனர்.