பட்டாகத்தியுடன் திமுகவினர் அராஜகம் – பொதுமக்கள் அச்சம்

மதுரை மாவட்டம் வாடிப்பட்டியில், பட்டப்பகலில் பட்டாக் கத்தியுடன் வலம் வந்த திமுக-வினர், அதிமுக பிரமுகரின் பேக்கரியை அடித்து நொறுக்கிய சம்பவம் பரபரப்பை ஏற்படுத்தி உள்ளது.

வாடிப்பட்டியைச் சேர்ந்த திமுக இளைஞரணி செயலாளர் அசோக் என்பவர், சட்டமன்றத் தேர்தல் பிரசாரம் தொடங்கியது முதல் அதிமுக-வினருடன் மோதலில் ஈடுபட்டு வந்ததாக கூறப்படுகிறது. இந்த நிலையில் மதுரை – திண்டுக்கல் சாலையில் அதிமுக பிரமுகர் நடத்தி வரும் பேக்கரி கடைக்கு பட்டாக் கத்தியுடன் வந்த அசோக்கும், அவரது ஆதரவாளர்களும் தாக்குதலில் ஈடுபட்டனர். பேக்கரி மூடப்பட்டிருந்த நிலையில், வெளியே இருந்த டேபிள், சேர், கண்ணாடி, ஜன்னல் மற்றும் இருசக்கர வாகனத்தை அடித்து உடைத்தனர்.