டாஸ்மாக் கடைகள் செயல்படும் நேரம் குறைப்பு – தமிழக அரசு

கொரோனா எதிரொலியாக டாஸ்மாக் மதுபானக் கடைகள் செயல்படும் நேரம் குறைக்கப்பட்டுள்ளது.

தமிழகத்தில் கொரோனா பரவலை தடுக்கும் விதமாக இன்று முதல் அனைத்து கடைகளும் பகல்12 மணி வரை மட்டுமே செயல்பட அனுமதி வழங்கப்பட்டுள்ளது.

பகல் 12 மணிக்கு பிறகு மளிகை கடைகள், காய்கறி கடைகள் ஓட்டல்கள் உள்ளிட்ட அனைத்து கடைகளும் மூட உத்தரவிடப்பட்டுள்ள நிலையில், டாஸ்மாக் கடைகள் செயல்படும் நேரத்தையும் குறைத்து தமிழக அரசு அறிவிப்பு வெளியிட்டுள்ளது.

டாஸ்மாக் கடைகள் தற்போது பகல் 12 மணிக்கு திறக்கப்பட்டு இரவு 9 மணி வரை செயல்பட்டு வரும் நிலையில், இன்று முதல் காலை 8 மணியிலிருந்து நண்பகல் 12 மணி வரை 4 மணி நேரம் மட்டும் செயல்படும் என தமிழ்நாடு அரசு அறிவித்துள்ளது.