உலகளவில் கொரோனா வைரசால் 84 லட்சத்தை தாண்டிய பாதிப்பு!

உலகளவில் கொரோனா வைரசால் பாதிக்கப்பட்டோர் எண்ணிக்கை 84 லட்சத்தைக் கடந்த நிலையில், உயிரிழந்தோர் எண்ணிக்கை 4 லட்சத்து 51 ஆயிரத்தை தாண்டியுள்ளது. கொரோனா பாதிப்பில் முதலிடத்தில் உள்ள அமெரிக்காவில் பாதிக்கப்பட்டோர் எண்ணிக்கை 22 லட்சத்து 34 ஆயிரத்தை கடந்துள்ளது. அங்கு ஒரு லட்சத்து 19 ஆயிரத்திற்கும் மேற்பட்டோர் உயிரிழந்துள்ளனர். பிரேசிலில் 9 லட்சத்து 60 ஆயிரத்திற்கும் மேற்பட்டோரும், ரஷ்யாவில் 5 லட்சத்து 53 ஆயிரத்திற்கும் மேற்பட்டோரும் பாதிக்கப்பட்டுள்ளனர். இந்தியாவில் 3 லட்சத்து 66 ஆயிரம் பேரும், இங்கிலாந்தில் 2 லட்சத்து 99 ஆயிரம் பேரும், ஸ்பெயினில் 2 லட்சத்து 91 ஆயிரம் பேரும் நோய்த் தொற்றுக்கு ஆளாகியுள்ளனர். பெருவில் 2 லட்சத்து 40 பேரும், இத்தாலியில் 2 லட்சத்து 37 ஆயிரம் பேரும் கொரோனாவால் பாதிக்கப்பட்டுள்ளனர். இதேபோன்று, ஜெர்மனி, ஈரான் போன்ற நாடுகளிலும் கொரோனாவின் தாக்கம் அதிகரித்த வண்ணம் உள்ளது. இதுவரை, உலகம் முழுவதும் சுமார் 44 லட்சம் பேர், நோய் தொற்றிலிருந்து குணமடைந்துள்ளனர் என்பது குறிப்பிடத்தக்கது.