சென்னையில் கொரோனா பாதிப்பு 25 ஆயிரத்து 937 ஆக உயர்ந்துள்ளது!

சென்னையில் கொரோனா பாதிப்பு 25 ஆயிரத்து 937 ஆக உயர்ந்துள்ள நிலையில் மண்டல வாரியாக பாதிப்பை தற்போது காணலாம்.

அதிகபட்சமாக ராயபுரம் மண்டலத்தில், கொரோனாவால் பாதிக்கப்பட்டோர் எண்ணிக்கை 4 ஆயிரத்து 405ஆக உயர்ந்துள்ளது. இதற்கு அடுத்தபடியாக, தண்டையார்பேட்டையில் 3 ஆயிரத்து 405 பேரும், தேனாம்பேட்டையில் 3 ஆயிரத்து 069பேரும், கோடம்பாக்கத்தில் 2 ஆயிரத்து 805 பேரும், திரு.வி.க. நகரில் 2 ஆயிரத்து 456 பேரும் கொரோனா தொற்றுக்கு ஆளாகியுள்ளனர். அண்ணாநகரில் 2ஆயிரத்து 362 பேரும், அடையாறில் ஆயிரத்து 481 பேரும், வளசரவாக்கத்தில் ஆயிரத்து 170பேரும் கொரோனாவால் பாதிக்கப்பட்டுள்ளனர். திருவொற்றியூரில் 972 பேருக்கும் அம்பத்தூரில் 901 பேருக்கும் கொரோனா தொற்று உறுதிப்படுத்தப்பட்டுள்ளது.