அரசுப் பள்ளி மாணவர்களுக்கான ஆன்லைன் நீட் பயிற்சி வகுப்பு – பள்ளிக் கல்வித்துறை

நீட் தேர்வு எழுதும் அரசுப்பள்ளி மாணவர்களுக்கான இறுதிக்கட்ட பயிற்சி வகுப்பு, ஜூன் 15-ம் தேதி தொடங்கும் என பள்ளிக் கல்வித்துறை தெரிவித்துள்ளது. மருத்துவப் படிப்புகளுக்கான நீட் தேர்வு, ஜுலை 26ஆம் தேதி நடைபெறும் என மத்திய அரசு அறிவித்திருந்தது. இந்தநிலையில், அரசுப் பள்ளி மாணவர்களுக்கான ஆன்லைன் நீட் பயிற்சி வகுப்பு, ஜூன் 15-ம் தேதி தொடங்கும் என பள்ளிக் கல்வித்துறை தெரிவித்துள்ளது. E – Box நிறுவனம், ஆன்லைனில் வழங்கும் இறுதிக் கட்ட பயிற்சியை பெற விரும்பும் மாணவர்கள், இணையதளம் மூலமாக விண்ணப்பிக்கலாம் என்றும் தெரிவிக்கப்பட்டுள்ளது. இதுகுறித்து, தலைமை ஆசிரியர்கள் மூலம், மாணவர்களுக்கு அறிவுறுத்துமாறு, அனைத்து மாவட்ட முதன்மைக் கல்வி அலுவலர்களுக்கும் பள்ளிக் கல்வித்துறை உத்தரவிட்டுள்ளது.