உலக நாடுகளுக்கு இந்தியா முன்னுதாரணமாகத் திகழ்கிறது – பிரதமர் மோடி!!!

கொரோனா நோய்த் தடுப்பு நடவடிக்கையில், உலக நாடுகளுக்கு, இந்தியா முன்னுதாரணமாகத் திகழ்வதாக பிரதமர் மோடி பெருமிதத்துடன் தெரிவித்துள்ளார்.

பாஜக தொடங்கப்பட்டதன் 40வது ஆண்டு தினத்தை முன்னிட்டு, கட்சி நிர்வாகிகளுக்கு பிரதமர் நரேந்திர மோடி காணொலி மூலம் உரையாற்றினார். அப்போது, கொரோனா வைரசின் தீவிரத்தை உணர்ந்துள்ள மத்திய அரசு அதனை பரவாமல் தடுப்பதற்கு அனைத்து நடவடிக்கைகளையும் மேற்கொண்டுள்ளதாகத் தெரிவித்தார். இந்தியா மேற்கொண்டுள்ள நடவடிக்கைகளை உலக சுகாதார அமைப்பு பாராட்டியுள்ளததாகத் தெரிவித்த பிரதமர், கொரோனாவுக்கு எதிரான நடவடிக்கையில், உலக நாடுகளுக்கு இந்தியா முன்னுதாரணமாகத் திகழ்வதாகக் கூறினார். இந்தியாவில் உள்ள 130 கோடி மக்களின் ஒற்றுமையை நேற்று இரவு காண முடிந்ததாக பெருமிதம் தெரிவித்த மோடி, கொரோனாவுக்கு எதிரான போரில் வெல்வதே நமது இலக்காக இருக்க வேண்டும் என கேட்டுக் கொண்டார்.

ஊரடங்கு உத்தரவை மக்கள் இவ்வளவு தீவிரமாக கடைப்பிடிப்பார்கள் என யாரும் நினைத்து கூட பார்த்திருக்க மாட்டார்கள் என்றும் பிரதமர் கூறினார்.