வெளிநாடுகளுக்கு பயணம் மேற்கொள்வதை தமிழக மக்கள் தவிர்த்து வருகின்றனர்!!

போதிய பயணிகள் இல்லாததால் சென்னை விமான நிலையத்தில் இன்று 26 சர்வதேச விமானங்கள் ரத்து செய்யப்பட்டுள்ளன. உலகம் முழுவதும் கொரோனா வேகமாக பரவி வரும் நிலையில், வெளிநாடுகளுக்கு பயணம் மேற்கொள்வதை தமிழக மக்கள் தவிர்த்து வருகின்றனர். இதன் காரணமாக போதிய பயணிகள் இல்லாததால் சென்னை விமான நிலையத்தில் இன்று ஒரே நாளில் 26 சர்வதேச விமானங்கள் ரத்து செய்யப்பட்டுள்ளன. இலங்கை, குவைத், சிங்கப்பூர், ஜெர்மனி, துபாய், மஸ்கட், ஹாங்காங், மலேசியா உள்ளிட்ட நாடுகளுக்கு சென்னையில் இருந்து இயக்கப்படும் 13 விமானங்கள் ரத்து செய்யபட்டுள்ளன. அதேபோல் அந்த நாடுகளில் இருந்து சென்னை வரும் 13 விமானங்களும் ரத்து செய்யப்பட்டுள்ளன.