நடிகர் விஜய் மற்றும் விஜய் சேதுபதி முதன்முறையாக இணைந்து நடிக்கும், மாஸ்டர் படத்தின் இசை வெளியீட்டு விழா சென்னையில் நடைபெற்றது. இப்படத்தை, கைதி மற்றும் மாநகரம் புகழ் லோகேஷ் கனகராஜ் இயக்க, மாளவிகா மோகனன், ஆண்ட்ரியா மற்றும் பல முன்னணி நடிகர்கள் நடிக்கிறார்கள்.
இப்படத்திற்கு, அனிருத் இசையமைக்கிறார்.படத்தில் வரும் இரு பாடல்கள், இசைவெளியீட்டிற்கு முன்பே இணையத்தில் வைரலாகி ரசிகர்களின் பெரும் வரவேற்பை பெற்றது.
மாஸ்டர் படத்தின் இசை வெளியீட்டு விழாவில், படத்தின் டிரெய்லர் வெளியிடும் தேதியை படக்குழு அறிவித்துள்ளது. இதனால், விஜய் ரசிகர்கள் உற்சாகமடைந்துள்ளனர். மேலும், படத்தின் டிரெய்லர் மார்ச் 22-ஆம் தேதி வெளியிடப்படும் என இயக்குநர் லோகேஷ் கனகராஜ் அறிவித்துள்ளார். இசை வெளியீட்டு விழாவை ஆவலோடு எதிர்பார்த்து காத்திருந்த ரசிகர்களுக்கு, இது இரட்டிப்பு மகிழ்ச்சியாக அமைந்துள்ளது. மாஸ்டர் திரைப்படம், வரும் ஏப்ரல் மாதத்தில் வெளியிடப்படும் என எதிர்பார்க்கப்பட்ட நிலையில், கொரோனா அச்சத்தால் படம் வெளியிடப்படுவதில் தாமதம் ஏற்படவும் வாய்ப்புள்ளதாக தகவல்கள் வருகின்றன.
Discussion about this post