ஜம்மு-காஷ்மீர் மாநிலம் பாரமுல்லாவில், பாதுகாப்புப் படையினர் நடத்திய அதிரடி வேட்டையில் தீவிரவாதி ஒருவர் சுட்டுக்கொல்லப்பட்டார். ரஃபியாபாத் பகுதியில் உள்ள ஷுட்லு கிராமத்தில் தீவிரவாதிகள் பதுங்கியிருப்பதாகக் கிடைத்த தகவலையடுத்து, போலீசாருடன் இணைந்து பாதுகாப்புப் படையினர் அதிரடி தேடுதல் வேட்டையில் ஈடுபட்டனர். அப்போது, தீவிரவாதிகளை சுற்றிவளைத்தபோது தீவிரவாதிகள் துப்பாக்கிச்சூட்டில் ஈடுபட்டனர். பாதுகாப்புப் படையினர் பதில் தாக்குதல் நடத்தியதில் ஒரு தீவிரவாதி சுட்டுக்கொல்லப்பட்டார். அவரிடம் இருந்து பயங்கர ஆயுதங்கள் பறிமுதல் செய்யப்பட்டன. இதையடுத்து அப்பகுதியில் தேடுதல் வேட்டை தீவிரப்படுத்தப்பட்டுள்ளது.
Discussion about this post