விளையாட்டு வீரர் மற்றும் வீராங்கனைகளுக்கு தமிழக அரசு அதிக முக்கியத்துவம் கொடுத்து வருவது வரவேற்கதக்கது என்று பிரபல பேட்மிண்டன் வீராங்கனை பி.வி.சிந்து பாராட்டு தெரிவித்துள்ளார்.
சென்னை அடுத்த கொளபாக்கத்தில் உள்ள தனியார் பள்ளியில், நடைபெற்ற நிகழ்ச்சியில், பிரபல பேட்மிண்டன் வீராங்கனை பி.வி.சிந்து கலந்துக் கொண்டார். அப்போது பேசிய அவர், விளையாட்டு வீரர் மற்றும் வீராங்கனைகளுக்கு தமிழக அரசு அதிக முக்கியத்துவம் கொடுத்து, ஊக்குவிப்பதாக தெரிவித்தார்.
தமிழக அரசு தொடர்ந்து இது போன்று ஊக்கப்படுத்தினால், பல திறமையான வீரர் வீராங்கனைகளை உருவாக்கி நாட்டுக்காக விளையாட வைக்க முடியும் என பி.வி.சிந்து கூறினார். விளையாட்டு வீரர்களை ஊக்குவிக்கும் நடவடிக்கைக்கு நன்றியும், வாழ்த்துக்களையும் தெரிவிப்பதாக பி.வி.சிந்து தெரிவித்தார்.
Discussion about this post