டிஎன்பிஎஸ்சி முறைகேட்டில் ஈடுபட்ட ஐயப்பனும் தனக்கும் தொடர்பில்லை என பொய் கூறும் திமுகவின் அப்பாவு முழு பூசணிகாயை சோற்றில் மறைக்க பார்ப்பதாக அதிமுக எம்.எல்.ஏ இன்பத்துரை குற்றம் சாட்டியுள்ளார்.
டிஎன்பிஎஸ்சி முறைகேட்டில் ஈடுபட்டதாக ஐயப்பன் என்பவரை சிபிசிஐடி காவல்துறையினர் கைது செய்தனர். கைது செய்யப்பட்ட ஐயப்பன் திமுகவைச் சேர்ந்தவர் என குற்றம் சாட்டப்பட்டது. மேலும் திமுகவின் முன்னாள் சட்டமன்ற உறுப்பினரான அப்பாவுவின் நெருங்கிய நண்பர் என்பதும் தெரிய வந்தது. ஆனால் அப்பாவு இதை திட்டவட்டமாக மறுத்ததுடன் திமுகவுக்கும் ஐயப்பனுக்கும் தொடர்பு இல்லை எனத் தெரிவித்திருந்தார்.
இந்நிலையில் அப்பாவுவும் ஐயப்பனும் மிகவும் நெருங்கிய கூட்டாளிகள் என அதிமுக எம்.எல்.ஏ இன்பத்துரை தெரிவித்துள்ளார். ஐயப்பன் திமுவின் இளைஞரணிப் பொறுப்பில் இருந்ததாக குறிப்பிட்டுள்ள அவர், அப்பாவு முழுபூசணிக் காயை சோற்றில் மறைக்க பார்ப்பதாக சாடினார்.
Discussion about this post