ஹோபர்ட் சர்வதேச டென்னிஸ் : இரட்டையர் பிரிவில் சானியா – நாடியா ஜோடி சாம்பியன்

2 ஆண்டுகளுக்கு பிறகு களமிறங்கிய முதல் தொடரிலேயே பட்டம் வென்று சானியா மிர்சா அசத்தி உள்ளார்.

ஆஸ்திரேலியாவில் ஹோபர்ட் சர்வதேச டென்னிஸ் தொடர் நடைபெற்று வருகிறது. குழந்தை பெற்ற பிறகு 2 ஆண்டுகளாக டென்னிஸ் போட்டிகளில் பங்கேற்காமல் இருந்த, சானியா மிர்சா இந்த தொடரில் பங்கேற்றார். பெண்கள் இரட்டையர் பிரிவில் சானியா மிர்சா, உக்ரைன் வீராங்கனை நாடியா கிச்செனோக்குடன் ஜோடி சேர்ந்து விளையாடினார். நாக் அவுட் சுற்றுகளில் அசத்திய இந்த ஜோடி இறுதி போட்டியில், சீனாவின் சாங் ஷூவாய், பெங் ஷூவாய் ஜோடியை எதிர்கொண்டனர். தொடக்கம் முதல் ஆதிக்கம் செலுத்திய சானியா, நாடியா ஜோடி, 6க்கு 4, 6க்கு 4 என்ற நேர் செட்களில் வெற்றி பெற்று சாம்பியன் பட்டத்தை வென்று அசத்தியது. 2 ஆண்டுகள் இடைவேளைக்கு பிறகு களமிறங்கிய முதல் தொடரில் அசத்தலான ஆட்டத்தை வெளிப்படுத்திய சானியா மிர்சா பட்டம் வென்றுள்ளார் என்பது குறிப்பிடத்தக்கது.