ஆங்கிலப் புத்தாண்டை முன்னிட்டு முதலமைச்சர் எடப்பாடி பழனிசாமி வாழ்த்து தெரிவித்துள்ளார்.
ஆங்கிலப் புத்தாண்டை முன்னிட்டு முதலமைச்சர் வெளியிட்டுள்ள வாழ்த்துச் செய்தியில், புத்தம் புது பொலிவுடன் மலரும் புத்தாண்டை மகிழ்ச்சியுடன் கொண்டாடும் இந்த இனிய நாளில், தனது அன்பிற்குரிய தமிழக மக்கள் அனைவருக்கும் தனது உளம் கனிந்த ஆங்கிலப் புத்தாண்டு நல்வாழ்த்துகளை மகிழ்ச்சியுடன் தெரிவிப்பதாகத் கூறியுள்ளார்.
வழி மறிக்கும் தடைகளை எல்லாம் தகர்த்து, வெற்றிகளைப் பெற்று, புதிய சாதனைகளைப் படைத்து, வளமான தமிழகத்தை படைத்திடுவோம் என இந்த ஆங்கிலப் புத்தாண்டில் அனைவரும் உறுதியேற்க வேண்டும் எனவும் முதலமைச்சர் குறிப்பிட்டுள்ளார்.
இந்த இனிய புத்தாண்டில் அனைவரின் வாழ்விலும் வசந்தம் மலரட்டும் என்றும், வளம் பெருகட்டும் என்றும், அமைதி நிலவட்டும் என வாழ்த்தி மக்கள் அனைவருக்கும் மீண்டும் ஒருமுறை தனது ஆங்கிலப் புத்தாண்டு நல்வாழ்த்துகள் என முதலமைச்சர் கூறியுள்ளார்.
Discussion about this post