இலங்கை அணிக்கு எதிரான டி20 போட்டியில் பங்கேற்க இருக்கும் இந்திய கிரிக்கெட் அணி அறிவிக்கப்பட்டுள்ளது.
இந்தியாவில் சுற்றுப்பயணம் மேற்கொள்ளும் இலங்கை அணி, 3 டி20 போட்டிகள் கொண்ட தொடரில் பங்கேற்க இருக்கிறது. இதற்கான இந்திய அணி அறிவிக்கப்பட்டுள்ளது. காயம் காரணமாக 4 மாதங்களாக அணியில் இடம்பெறாமல் இருந்த ஜஸ்ப்ரீத் பும்ரா, மீண்டும் இந்திய அணியில் சேர்க்கப்பட்டுள்ளார். இலங்கை அணிக்கு எதிரான இந்திய அணியில், விராட் கோலி, தவான், கே.எல்.ராகுல், ஸ்ரேயாஸ் ஐயர், மணிஷ் பாண்டே, சஞ்சு சாம்சன், ரிஷப் பண்ட், சிவம் துபே, யுவேந்திர சாஹல், குல்தீப் யாதவ், ரவீந்திர ஜடேஜா, சர்துல் தாக்கூர், நவதீப் சாய்னி, ஜஸ்ப்ரீத் பும்ரா, வாஷிங்டன் சுந்தர் ஆகியோர் இடம்பெற்றுள்ளனர். ரோகித் ஷர்மாவிற்கு இந்த தொடரில் ஓய்வு அளிக்கப்பட்டுள்ளது.
இந்தியா மற்றும் இலங்கை மோதும் முதல் டி20 போட்டி, வரும் ஜனவரி மாதம் 5ந் தேதி கவுகாத்தியில் தொடங்குகிறது. இதே போல், இந்தியாவில் சுற்றுப்பயணம் மேற்கொள்ளும் ஆஸ்திரேலிய அணி 3 ஒருநாள் போட்டி கொண்ட தொடரில் பங்கேற்க இருக்கிறது. இதற்கான இந்திய அணியும் அறிவிக்கப்பட்டது. ஆஸ்திரேலிய அணிக்கான இந்திய அணியில், விராட் கோலி, ரோகித் ஷர்மா, தவான், கே.எல்.ராகுல், ஸ்ரேயாஸ் ஐயர், மணிஷ் பாண்டே, கேதார் ஜாதவ், ரிஷப் பண்ட், சிவம் துபே, யுவேந்திர சாஹல், குல்தீப் யாதவ், ரவீந்திர ஜடேஜா, சர்துல் தாக்கூர், நவதீப் சாய்னி, ஜஸ்ப்ரீத் பும்ரா, முகமது ஷமி ஆகியோர் இடம்பெற்றுள்ளனர். இவ்விரு அணிகள் மோதும் முதலாவது ஒருநாள் போட்டி, வரும் ஜனவரி மாதம் 14ந் தேதி மும்பையில் நடைபெறுகிறது.
Discussion about this post