திருச்சி மாவட்டம், மணப்பாறை அருகே 2 தலை 4 கண்களுடன் பிறந்த அதிசயக் கன்றுக் குட்டியைப் பொது மக்கள் ஆர்வத்துடன் பார்த்துச் செல்கின்றனர்.
திருச்சி மாவட்டம், மீன்வேலியைச் சேர்ந்த விவசாயி சுப்புராஜா 25 ஆண்டுகளுக்கு மேலாக ஆடு, மாடு போன்ற கால்நடைகளை வளர்த்து வருகிறார். இந்நிலையில் அதிகாலை அவரது பசு ஒன்று கன்றுக் குட்டியை ஈன்றது. பிறந்த பெண் கன்றுக்குட்டியை பார்த்த அனைவரும் ஆச்சர்யமடைந்தனர். கன்றுக்குட்டி 2 தலை, 4 கண்களுடன் பிறந்திருந்தது. பின்னர் தகவலறிந்து சம்பவ இடத்திற்கு வந்த கால்நடை மருத்துவர் கன்றுக்குட்டிக்குத் தேவையான சிகிச்சையளித்தார்.அதிசயக் கன்றுகுட்டியை கிராம மக்கள், பள்ளி மாணவர்கள் கூட்டம் கூட்டமாக வந்து பார்த்த வண்ணம் உள்ளனர்.
Discussion about this post