தாளவாடி அடுத்த மல்லன்குழி கிராமத்தில் ஊருக்குள் புகுந்த யானைக் கூட்டத்தை விரட்டும் பணியில் வனத்துறையினர் ஈடுபட்டனர்.
ஈரோடு மாவட்டம் தாளவாடி அடுத்த மல்லன்குழி கிராமம் சத்தியமங்கலம் புலிகள் காப்பகதிற்கு உட்பட்ட வனப்பகுதியில் உள்ளது. இந்த வனப்பகுதியில் இருந்து வெளியேறிய 15 யானைகள் ஊருக்குள் புகுந்தன. இதனைத் தொடர்ந்து, விளை நிலங்களையும், பாதையில் இருந்த இரு சக்கர வானத்தையும் யானைகள் சேதப்படுத்தியதால் அச்சம் அடைந்த கிராம மக்கள் வனத்துறையினருக்குத் தகவல் அளித்தனர். விரைந்து வந்த வனத்துறையினர் யானைக் கூட்டத்தை விரட்டும் முயற்சியில் ஈடுபட்டனர். மேலும் யானைகளால் இரு சக்கர வாகனம் சேதப்படுத்தப்பட்டற்கும், சேதமடைந்த விவசாயப் பயிர்களுக்கும் இழப்பீடு வழங்க வேண்டும் என விவசாயிகள் கோரிக்கை வைத்துள்ளனர்.
Discussion about this post