அதிமுக வேட்பாளர்களின் இறுதிப் பட்டியல் வெளியீடு

ஊரக உள்ளாட்சித் தேர்தலில் போட்டியிடும் அதிமுக வேட்பாளர்களின் இறுதிப் பட்டியல் வெளியாகி உள்ளது.

ஏற்கெனவே மூன்று கட்டமாக வேட்பாளர் பட்டியல் வெளியான நிலையில், இன்று இறுதி வேட்பாளர் பட்டியல் வெளியானது. விருதுநகர் மாவட்ட ஊராட்சி வார்டு உறுப்பினர் பதவிகளுக்குப் போட்டியிடும் அதிமுக வேட்பாளர்களின் பெயர்களைக் கழக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் கூட்டாக அறிவித்துள்ளனர். இதனிடையே, கன்னியாகுமரி மாவட்ட ஊராட்சிக் குழு வார்டு உறுப்பினர் பதவிக்கு அறிவிக்கப்பட்ட வேட்பாளர் பட்டியலில், 2, 4, 5 ஆகிய வார்டுகள் கூட்டணிக் கட்சிகளுக்கு ஒதுக்கப்படுவதாகவும் அதிமுக தலைமைக் கழகம் அறிவித்துள்ளது.