நீதிமன்றத்தையும், தேர்தல் ஆணையத்தையும் ஆர்.எஸ்.எஸ். கைப்பற்றுகிறது – ராகுல் காந்தி

டெல்லியில் நாடுமுழுவதிலும் இருந்து வந்திருந்த கல்வியாளர்களை, காங்கிரஸ் தலைவர் ராகுல் காந்தி சந்தித்து உரையாடினார். அப்போது, ஆர்.எஸ் .எஸ். அமைப்பை கடுமையாக தாக்கிப் பேசினார். 

ஆர்.எஸ்.எஸ். அமைப்பைப் பொறுத்தவரை, இந்தியா என்பது தங்கப் பறவையாக, ஒரு பொருளாக நினைக்கிறது. இந்தப் பொருளை பணமாக மாற்றி இருக்கிறார்கள் என்றும் அவர் குற்றம் சாட்டினார்.

அவர்கள் கையில் இருக்கும் தங்கப் பறவையை கைப்பற்ற தேர்தல் எனும் போரில் முயல்வதாகவும், அவர்களால் ஒருமுறைதான் வெல்ல முடியும், தொடர்ந்து வெல்ல முடியாது என்றும் அவர் கூறினார்.

அரசின் கல்வி நிறுவனங்கள், உச்ச நீதிமன்றம், தேர்தல் ஆணையம் உள்ளிட்ட ஜனநாயக அமைப்புகளை எல்லாம் திட்டமிட்டு கைப்பற்றி வருகிறார்கள் என்றும், மக்கள் தங்களின் கருத்துக்களைத் தெரிவிக்க அனுமதிப்பதுதான் நாட்டின் வலிமை என்றும் ராகுல் காந்தி தெரிவித்தார்.