ரஜினி, கமல் கூட்டணி நாட்டிற்கு உதவாது: அமைச்சர் காமராஜ்

நடிகர் ரஜினியும், கமலும் இணைவது, பேசும் பொருளாக இருக்குமே தவிர நாட்டிற்கு உதவாது என்று உணவுத்துறை அமைச்சர் காமராஜ் தெரிவித்தார்.

திருவாரூர் மாவட்டம் மன்னார்குடியில் சமுதாய முதலீட்டு நிதியாக மகளிர் குழுவை சேர்ந்த 509 பெண்களுக்கு 1 கோடி 54 லட்சத்திற்கான காசோலையை அமைச்சர் காமராஜ் வழங்கினார். இதையடுத்து, அமைச்சர் முன்னிலையில் 100க்கும் மேற்பட்ட அமமுகவினர் அதிமுகவில் இணைந்தனர். பின்னர் செய்தியாளர்களை சந்தித்த அவர், எத்தனை பேர் அரசியலுக்கு வந்தாலும் அதிமுகவை அசைக்க முடியாது என்று கூறினார்.