இன்று டி20 கிரிக்கெட் போட்டியில் இந்தியா-வங்காளதேச அணிகள் மோதல்

 இந்தியா-வங்காளதேச அணிகள் மோதும் முதலாவது டி20 கிரிக்கெட் போட்டி டெல்லியில் இன்று நடைபெறுகிறது.

இந்தியாவுக்கு சுற்றுப்பயணம் மேற்கொண்டுள்ள வங்கதேச அணி மூன்று டி20 ஓவர் போட்டி மற்றும் 2 டெஸ்ட் போட்டிகளில் பங்கேற்கவுள்ளது. டெல்லி அருண் ஜெட்லி மைதானத்தில், இந்திய நேரப்படி இரவு 7 மணிக்கு போட்டி தொடங்குகிறது. கேப்டன் விராட் கோலிக்கு ஓய்வு அளிக்கப்பட்டுள்ள நிலையில் ரோகித் சர்மா தலைமையில் இந்திய அணி விளையாடுகிறது. மக்முதுல்லா தலைமையிலான வங்கதேச அணி, முன்னணி வீரர்கள் ஷகிப் அல்-ஹசன், தமிம் இக்பால், மோர்தசா இல்லாமல் போட்டியை எதிர்கொள்கிறது. வங்கதேச அணி தலைமையில் போட்டியை எதிர்கொள்கிறது. தலைநகர் டெல்லியில் காற்று மாசு அதிகரித்துக் காணப்படும் நிலையில் வங்கதேச வீரர்கள் முகமூடி அணிந்து கொண்டு போட்டியில் பங்கேற்பார்கள் எனத் தெரிகிறது. இதுவரை இந்தியாவுடன் எட்டு டி20 போட்டிகளில் மோதியுள்ள வங்கதேச அணி அனைத்துப் போட்டிகளிலும் தோல்வியைத் தழுவியுள்ளது. இந்நிலையில் இன்றைய போட்டியில் வெற்றி பெறும் நோக்கில் வங்கதேச அணி வீரர்கள் உள்ளனர்.