இந்திய ராணுவத்திற்காக மட்டும் பிரத்யேகமாக தயாரிக்கப்பட்டு வந்த நிசான் ஜோங்கா எஸ்யூவி வாகனத்தில், ராஞ்சி டெஸ்ட் போட்டியை காண தோனி வந்து சென்ற வீடியோவை அவரது ரசிகர்கள் இணையத்தில் வைரலாக்கி வருகின்றனர்.
ராஞ்சியில் நடைபெற்ற தென் ஆப்பிரிக்காவுக்கு எதிரான 3வது டெஸ்ட் போட்டியில் இந்திய அணி அபார வெற்றி பெற்றது. தோனியின் சொந்த ஊரான ராஞ்சியில் நடப்பதால் டெஸ்ட் போட்டியை பார்க்க தோனி வருவார் என்று அவரது ரசிகர்கள் எதிர்பார்த்திருந்தனர். அதேபோல், போட்டியை காண ராஞ்சி மைதானத்திற்கு சென்ற தோனி, அணி வீரர்களை சந்தித்து ஆலோசனை வழங்கினார். பயிற்சியாளர் ரவி சாஸ்திரியுடன் தோனி எடுத்து கொண்ட புகைப்படத்தை பிசிசிஐ தனது டுவிட்டர் பக்கத்தில் வெளியிட்டுள்ளது. இதனிடையே, இந்திய ராணுவத்திற்காக மட்டும் பிரத்யேகமாக தயாரிக்கப்பட்டு வந்த நிசான் ஜோங்கா எஸ்யூவி வாகனத்தில், ராஞ்சி மைதானத்திற்கு தோனி வந்து சென்ற வீடியோ இணையத்தில் தற்போது பரவி வருகிறது. கார் மற்றும் பைக் பிரியரான தோனி, பல சொகுசு மற்றும் விலை உயர்ந்த கார், பைக்குகளை வைத்துள்ளார். இந்திய ராணுவத்திற்காக மட்டும் பிரத்யேகமாக தயாரிக்கப்பட்டு வந்த நிசான் ஜோங்கா ஜீப் தற்போது தயாரிக்கப்படுவதும் இல்லை, பயன்பாட்டிலும் இல்லை. வின்டேஜ் ரக ஜீப் தற்போது தோனி வசம் உள்ளது குறிப்பிடத்தக்கது.
Discussion about this post