அதிமுகவின் 48வது ஆண்டு தொடக்க விழாவையொட்டி எம்.ஜி.ஆர். மற்றும் ஜெயலலிதா சிலைகளுக்கு முதலமைச்சர் எடப்பாடி பழனிசாமி மற்றும் துணை முதலமைச்சர் ஓ.பன்னீர் செல்வம் ஆகியோர் இன்று மாலை அணிவித்து மரியாதை செலுத்துகின்றனர்.
எம்.ஜி.ஆர். அதிமுகவை தொடங்கி 47 ஆண்டுகள் நிறைவடைந்து, இன்று முதல் 48வது ஆண்டு தொடங்குகிறது. இதை கொண்டாடும் வகையில் இன்று காலை 10 மணிக்கு, கழக ஒருங்கிணைப்பாளரும், துணை முதலமைச்சருமான ஓ.பன்னீர்செல்வம், இணை ஒருங்கிணைப்பாளரும் முதலமைச்சருமான எடப்பாடி பழனிசாமி ஆகியோர் ராயப்பேட்டையில் உள்ள தலைமைக் கழக வளாகத்தில் அமைந்துள்ள எம்.ஜி.ஆர்., ஜெயலலிதா ஆகியோரது உருவச் சிலைகளுக்கு மாலை அணிவித்து மரியாதை செலுத்துகின்றனர். பின்னர் கழகக் கொடியினை ஏற்றி வைத்து, இனிப்பு வழங்க உள்ளனர். இந்த நிகழ்ச்சியில் தலைமைக் கழக நிர்வாகிகள், அமைச்சர்கள், தொண்டர்கள் கலந்து கொள்கின்றனர்.
Discussion about this post