தொடர் மழையால் தூத்துக்குடி மாவட்டத்தில் பள்ளிகளுக்கு இன்று விடுமுறை

நெல்லை, தூத்துக்குடி, கன்னியாகுமரி உள்ளிட்ட 8 மாவட்டங்களில் இடி மின்னலுடன் கனமழை பெய்தது. தொடர் மழையால் தூத்துக்குடி மாவட்டத்தில் பள்ளிகளுக்கு மட்டும் இன்று விடுமுறை விடப்பட்டுள்ளது.

வெப்பச்சலனம் காரணமாகத் தமிழகத்தில் இன்று கனமழை பெய்யும் என்று வானிலை ஆய்வு மையம் அறிவித்து இருந்தது. இந்த நிலையில், நெல்லை, தூத்துக்குடி, கன்னியாகுமரி, நாகை, பெரம்பலூர், அரியலூர், கடலூர், தருமபுரி, விழுப்புரம் உள்ளிட்ட மாவட்டங்களில் நேற்றிரவில் இருந்து இடி மின்னலுடன் கனமழை பெய்து வருகிறது. தொடர் மழையால், தூத்துக்குடி மாவட்டத்தில் இன்று பள்ளிகளுக்கு விடுமுறை அறிவித்து மாவட்ட ஆட்சியர் சந்தீப் நந்தூரி உத்தரவிட்டுள்ளார். கனமழையால் தூத்துக்குடியில் இருந்து சென்னை வரும் விமானங்கள் தாமதமாகப் புறப்பட்டன.